Foto:elements.envato.com
Almaty áýejaiynda Ýkraina azamaty bosqyn mártebesin berýdi surady. Politsiia qyzmetkerleri oǵan memlekettik shekaradan ótýge kómektesti, - dep habarlaidy Tengrinews.kz tilshisi Kóliktegi politsiia departamentiniń baspasóz qyzmetine silteme jasap.
Kóliktegi politsiia departamentiniń Kóshi-qon qyzmetiniń qyzmetkerleri Almaty qalalyq IID-men birlesip, áielge Almaty áýejaiy arqyly Qazaqstannyń memlekettik shekarasyn ótýge kómektesti.
"Ýkraina azamatshasy kómek suraǵan kezde Almaty áýejaiynyń politsiia bólimi qyzmetkerleri shekaradan ótý kezinde týyndaǵan máseleni sheshýge, tipti fotograf qyzmetin usynýǵa deiin kómektesti.
Qazirgi ýaqytta joǵaryda atalǵan azamatsha "bosqyndar týraly" Qazaqstan Respýblikasynyń Zańyna sáikes Almaty qalasynyń jergilikti atqarýshy organyna oǵan bosqyn mártebesin berý týraly ótinish bildirdi", - dep habarlady departament.
