20 sáýir kúni Almatydaǵy "Alataý" dástúrli óner teatrynda Qazaqstan Jazýshylar Odaǵynyń múshesi, kórnekti aqyn Tynyshtyqbek Ábdikákimulynyń "Kókek aiy - Gúlstan..." atty shyǵarmashylyq keshi ótedi.
Qazaqstan Jazýshylar odaǵynyń uiymdastyrýymen ótetin keshke qazaqtyń belgili aqyndary men óner juldyzdary qatysady.
Elimizdiń ár óńirinen jinalǵan tanymal aqyndar Tynyshtyqbek Ábdikákimulynyń óleńin oqyp, jyrdan shashý shashpaq. Atap aitsaq, Temirhan Medetbek, Israil Saparbai, Mereke Qulkenov, Ábýbákir Qairan, Qasymhan Begmanov, Járken Bódesh, Baýyrjan Jaqyp, Gúlnar Salyqbai, Temirǵali Kópbaev, Murat Shaimaran, Jaras Sársek, Dáýletkerei Kápuly, Janarbek Áshimjan, Baqyt Bedelhan, Almas Temirbai, Aqberen Elgezek, Yrysbek Dábei, Erlan Júnis, Baýyrjan Qaraǵyzuly, Qalqaman Sarin, Erjan Jumabek, Janat Janqashuly, Merei Qartov syndy tanymal aqyndar kesh kórkin qyzdyrmaq.
Sondai-aq, Elena Ábdihalyqova, Erkin Shúkiman, Qadyrǵali Kóbentai, Ershat Qaiyrhan, Gúliia Saǵidollaqyzy sekildi óner qairatkerleri Tynyshtyqbek aqynnyń sózine jazylǵan ánderdi shyrqaidy. Aqynnyń "Besinshi maýsym jupary" atty jańa kitaby da satylymǵa shyǵady. Keshtiń bastalýy: saǵat 16:00-de.
Aita ketsek, Tynyshtyqbek Ábdikákimuly - 1953 jyly 20 shildede Semei oblysynyń Abai aýdany, Qaraýyl aýylynda týǵan. 1994 jyly Semei pedagogika institýtynyń filologiia fakýltetin bitirgen. «Abai aýyly» gazetinde, Abai murajaiynda jumys istegen.
«Aqsham hattary», «Raýan», «Qas Saq Ańqymasy» atty t.b. jyr jinaqtarynyń avtory. 1993-1996 jyldary Qazaqstan Jazýshylar Odaǵynyń Semei bólimshesiniń jaýapty hatshysy bolyp qyzmet atqardy. Jazýshylar Odaǵynyń múshesi, T.Aibergenov atyndaǵy syilyqtyń laýreaty, Jazýshylar Odaǵy uiymdastyrǵan aqyndar músháirasynyń bas júldegeri. «Aqsham hattar» (1990), «Yraýan» (2000) jyr jinaqtarynyń avtory. 2001 jyly «Elorda» baspasynan «Qas Saq Ańqymasy» atty filosofiialyq eńbegi shyqty. 2017 jyly "Besinshi maýsym jupary" atty jańa kitaby jaryq kórdi.
