Foto: ktk.kz
Almatyda halyqtyń turmystan tarylǵan toptary úshin áleýmettik ashana ashyldy. Igi bastama "Úili bolaiyq" qaiyrymdylyq qorynyń muryndyq bolýymen júzege asqan, dep habarlaidy Ult.kz Almaty.tv-ǵa silteme jasap.
Shaharda alǵash ret ashylǵan dámhana azamattarǵa kún saiyn tegin tańǵy as usynady. Al qasietti jumada kúni boiy kez kelgen ýaqytta osynda kelip tamaqtanýǵa bolady. Qaiyrymdy jandar mundai ashanalardyń sanyn arttyrý josparda baryn aitady.
"Aldaǵy jospar boiynsha ár aýdannan, meshittiń janynan kishigirim osyndai ashana, meimanhana ashyp, jaǵdaiy joq otbasylar men kóshe sypyryp júrgen azamattarymyzǵa kúnniń sýyǵynda ystyq shai iship, jylynyp ketsin degen maqsatta ashyp jatyrmyz. Búginge deiin 8 qalada keńsemiz ashyldy. Aldaǵy ýaqytta keńsemiz ashylǵan ár qaladan osyndai áleýmettik meiramhanalar ashý josparymyzda bar", - dedi "Uili Bolaiyq" qaiyrymdylyq qorynyń quryltaishysy Suńǵat Baiǵon.
