Almatyda Túrki keńesiniń Aqparattyq-kommýnikatsiialyq tehnologiialaryna jaýapty ministrlerdiń III otyrysy ótip jatyr, dep habarlaidy QazAqparat tilshisi.
Ministrler túrkitildes elderdegi aqparattyq tehnologiialyq bailanystar məselesin talqylaý úshin bas qosty.
Jiynǵa QR Aqparat jáne kommýnikatsiialar ministri Dáýren Abaev, Túrkiia Respýblikasy Kólik jáne infraqurylym ministri Mehmet Jahit Týrhan, Qyrǵyz Respýblikasynyń Aqparattyq tehnologiialar jáne bailanys komitetiniń tóraǵasy Baqyt Sharshembiev, Ázerbaijan Respýblikasy kólik, kommýnikatsiia jáne joǵary tehnologiialar ministriniń orynbasary Elmir Velizade, Vengriianyń Aqparattyq kommýnikatsiialar, innovatsiialar jáne tehnologiialar Memlekettik hatshysynyń orynbasary Karol Balash Solimar qatysty.
«Ózderińizge belgili, byltyr qyrkúiek aiynda Qyrǵyz Respýblikasynyń Sholpon Ata qalasynda Túrki keńesiniń sammiti ótti. Onda túrki memleketteriniń basshylary el úkimetterine, Túrki keńesi hatshylyǵyna tapsyrma berdi. Sammitten keiingi ailarda ekonomika, saýda bailanysy, týrizm salasynda úlken jumys atqarylyp jatyr. Naqty aitsaq, investitsiialyq qor qurý jəne ortaq saýda óndiris palatalaryn ashý məseleleri talqylandy. Búgingi kezdesý barysynda aqparattyq kommýnikatsiialyq saladaǵy ministrlerdiń bas qosýy bolyp otyr. Búgin negizinen 4 negizgi baǵyt boiynsha talqylaý ótedi. Qazirgi zamanda aqparattyq tehnologiialardyń məni zor», - dedi Túrki keńesiniń bas hatshysy Baǵdad Əmireev.
Mańyzdy otyrysqa deiin múshe memleketterdiń joǵary laýazymdy tulǵalarynyń qatysýymen aqparattyq-kommýnikatsiialyq tehnologiialar boiynsha Túrki keńesi Jumys tobynyń tórtinshi otyrysy óttti.
Múshe memleketter kiberqaýipsizdik, elektrondyq úkimet, spýtniktik qyzmetter jáne TASIM jobasy/talshyqty infraqurylym, sondai-aq aqparattyq kommýnikatsiialyq tehnologiialarmen bailanysty basqa da basym máseleler boiynsha yntymaqtastyqty keńeitý joldaryn talqylady.
