Foto: Polisia.kz
Almatyda turǵynnyń páterinen esirtki qoimasy anyqtaldy, – dep habarlaidy "Ult aqparat" Polisia.kz-ke silteme jasap.
Ony esirtki qylmysyna qarsy kúres basqarmasynyń qyzmetkerleri joidy. Áýezov aýdanynyń turǵyndarynyń biri óziniń páterinde esirtki zaty – geroindi qoldaný úshin úi-jai berip, esirtki úiin uiymdastyrǵan. Páterdi tintý kezinde elektrondy tarazylar, paidalanylmaǵan shpritster, quramynda ósimdik tektes jáne untaq túrindegi zattary bar bailamdar tabylyp, tárkilendi.
– Atalǵan derek boiynsha sotqa deiingi tergeý bastaldy. Sot-himiialyq saraptama taǵaiyndaldy, – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
