Almatyda túnimen qar jaýdy. Tazalaý jumystaryna arnaiy tehnikalar jumyldyryldy, dep habarlaidy "Ult aqparat".
«Túnde kóktaiǵaqqa qarsy tiisti sharalar qabyldanyp, jolǵa 2650 tonna materialdar sebildi. Oǵan 630 arnaiy tehnika jumyldyryldy, onyń ishinde 234 qumsepkish tehnikasy bar. 1907 jumysshy qar tazalady»,- delingen qalalyq kommýnaldyq qyzmettiń habarlamasynda.
Qazirgi ýaqytta trotýarlardy, jaiaý júrginshiler aimaqtaryn, qoǵamdyq kólik aialdamalaryn, avtoturaq «qaltalaryn», jer ústi ótkelderin, saiabaqtar men skverlerdi qardan tazartý jumystary júrip jatyr. Saǵat 9. 00-den bastap jol politsiiasy patrýldik mashinalarynyń erip júrýimen qar tazalaityn kolonnalar uiymdastyryldy.
Kazgidromettiń boljaýy boiynsha búgin aýa temperatýrasy kúndiz minýs 2 gradýsqa deiin bolady, qar keshke qarai toqtaidy.
