Foto: Polisia.kz
Almatyda túngi klýbta esirtkimen ustalǵan bloger 10 jylǵa sottaldy, – dep habarlaidy Polisia.kz.
Eske salaiyq, politsiianyń arnaiy jasaǵy men EQQIQB jedel qyzmetkerleri sáýir aiynda Almatynyń Medeý aýdanynda ornalasqan barlardyń birinde arnaiy is-shara júrgizgen bolatyn. Ony “Esirtki biznesine qarsy kúres” jobasy aiasynda qalalyq prokýratýra úilestirgen.
"Túngi saǵat ekide túngi klýbta 19 jastaǵy T. esimdi azamat ustaldy, onyń shalbarynyń oń jaq qaltasynan kók tústi izolentaǵa oralǵan, untaq pen kesek pishindi, ashyq tústi sintetikalyq zat salynǵan úsh bailam tabyldy. Jumys nusqalarynyń birine sáikes, bul - mefedron esirtkisi. Zattyń naqty kimdiki ekendigin anyqtaý úshin sot-himiialyq saraptama taǵaiyndaldy.
Ustalǵan azamat QR QIJK-niń 128-babyna sáikes ýaqytsha ustaý izoliatoryna qamaldy. QR QK-niń 297-baby 1-bóligi boiynsha sotqa deiingi tergeý amaldary júrgizilip jatyr", – degen edi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
Almaty qalasynyń qylmystyq ister jónindegi mamandandyrylǵan aýdanaralyq sotynyń úkimimen 19 jastaǵy T. esimdi azamat QR QK-niń 297-baby 3-bóliginde kózdelgen qylmysty jasaǵany úshin kináli dep tanyldy jáne 10 jylǵa bas bostandyǵynan aiyryldy.
