Almaty emhanalarynda jyl saiynǵy tumaýǵa qarsy vaktsinatsiia naýqany bastaldy, dep habarlaidy "Ult aqparat".
400 myńnan astam almatylyq tumaýǵa qarsy vaktsinany aqysyz alatyn bolady. Olardyń ishinde 65 jastan asqan adamdar sany – 264 myń, sozylmaly aýrýy bar turǵyndar – 125 myń, 22 myń bala, 9 myń meditsina qyzmetkeri, 7 myńnan astam júkti áiel bar.
Vaktsinatsiia 15 qarashada aiaqtalady, osy ýaqyt aralyǵynda almatylyqtar emhanaǵa ózderiniń ýchaskelik dárigerine baryp, aldyn ala jazylý arqyly vaktsina ala alady. Ýchaskelik medbikeler qaýip tobyndaǵy turǵyndarǵa telefon arqyly habarlasyp, shaqyrady.
«Vaktsinatsiia aldynda ýchaskelik dárigerdiń mindeti – kelgen turǵynnyń densaýlyǵyn, respiratorlyq aýrý belgilerin jáne COVID-19 virýsymen aýyrǵan naýqaspen bailanysy bolǵanyn nemese bolmaǵanyn, temperatýranyń qalypty bolýyn tekseredi. 10 qyrkúiekte vaktsinatsiia 185 adamǵa jasaldy, onyń ishinde 60 jastan asqan qart adamdar sany – 40, 100 meditsina qyzmetkeri, 25 sozylmaly aýrýlary bar bala men 20 eresek azamat bar. Birinshi kúni vaktsinany meditsina qyzmetkerlerine salýǵa tyrystyq», – dedi №11 qalalyq emhananyń dáriger-epidemiology Kambar Qairatbek.
Tumaýǵa qarsy vaktsina aýrýǵa qarsy immýnitetti qalyptastyrýǵa jáne asqynýlardyń aldyn alýǵa yqpal etedi. Vaktsina egilgennen keiin dárigerler standartty saqtyq sharalaryn saqtaýǵa keńes beredi. Iaǵni, ine salǵan oryndy jaraqattap almaýǵa, uiqy rejimin saqtaýǵa, allergiialyq reaktsiia týdyrýy múmkin taǵamdardy paidalanýǵa bolmaidy.
«Vaktsina jetkilikti mólsherde satyp alyndy. Ýchaskelik medbikeler turǵyndardy vaktsina alýǵa keste boiynsha shaqyrady. Vaktsinatsiia bastalǵanǵa deiin epidemiologiialyq qyzmet emhananyń ýchaskelik qyzmetimen birlesip, aqysyz ekpe jasaý úshin táýekel tobynyń tizimin jasady. Olardyń qatarynda sozylmaly aýrýy bar balalar sany – 833, eresekter–1999, meditsina qyzmetkerleri – 332, júkti áielder – 152, jabyq tiptegi mekemelerdiń meditsinalyq qyzmetkerleri (balalar úii, mektep internaty, balalarǵa/múgedekterge arnalǵan mektep-internattary) – 11 adam, qarttar men múgedekter úileriniń kontingenti – 2, 60 jastan asqan qarttardan - 2012 adam» – dedi Kamar Qairatbek.
Tumaý virýsy úzdiksiz genetikalyq jáne antigendik ózgeristerge ushyraityndyqtan, DDSU jylyna eki ret vaktsinanyń quramy týraly usynystaryn jańartady.
Aita ketý kerek, immýndaý jumystary boiynsha Qazaqstan Respýblikasynyń Ulttyq egý kúntizbesine sáikes, Almaty qalasynyń barlyq meditsinalyq uiymdarynda jalǵasýda.
