Foto: Polisia.kz
Almatyda túlekterdiń ata-analary ondaǵan million teńgege aldanǵan, – dep habarlaidy "Ult aqparat" Polisia.kz portalyna silteme jasap.
Bul joly “kásipkerlikti” joǵary synyp oqýshylaryn UBT-ǵa daiyndaityn bilim berý ortalyǵy direktorynyń atynan “áreket etken” 22 jastaǵy J. esimdi azamat kórsetken.
"Kelisimshart talaptaryna sáikes, ata-anaǵa 238 myń teńgeni bólip tóleýge bolatyn. Sóite tura, bala testileýden ótpei qalsa, “muǵalim” aqshany qaitarýǵa ýáde bergen. Is júzinde oqý ortalyǵynyń negizin qalaýshy joq bolyp ketken. Balalar ýáde etilgen sabaqtardy almaǵan. Al ata-analary politsiiaǵa kómek surap júgingen. Atalǵan derek QR QK-niń 190-baby 3-bóligi (Alaiaqtyq) boiynsha sotqa deiingi tergeýdiń biryńǵai tizilimine tirkeldi. Tergeýdiń qazirgi satysynda qylmystyq is boiynsha 76 jábirlenýshi bar. Kúdikti ustaldy jáne qamaýda otyr, – dedi Medeý aýdandyq politsiia basqarmasynyń bastyǵy Iliias Ómirserikov.
