Almatyda sońǵy 5 jyl ishinde týberkýlez aýrýynyń kórsetkishi 42,8% tómendegen. Bul týraly Almaty qalasy «Ftiziopýlmonologiia ortalyǵy» kommýnaldyq memlekettik kásipornynyń direktory Janar Sápieva onlain brifing kezinde aitty, dep habarlaidy QazAqparat.
Onyń aitýynsha, týberkýlezden bolatyn ólim-jitim - 68,7%, taralýy - 48,7, balalar arasynda syrqattanýshylyq 55,7% tómendedi.
Týberkýlezdiń bakteriia bólýsiz túrimen aýyratyn naýqastardy ambýlatoriialyq emdeý keńeitildi. 2020 jyly bastapqy meditsinalyq-sanitarlyq kómek kórsetý mekemeleriniń jaǵdaiynda bakteriia bólmeitin alǵashqy ambýlatoriialyq emdeýmen qamtý 73,2% qurady.
«Týberkýlezben aýyratyn naýqastardy emdeýge baǵyttalǵan emdelýshiler sátti júrgizilip jatyr. Beinebaqylaý emi ádisimen týberkýlezben aýyratyn 338 naýqas emdeýdi aiaqtady (65,0%); jeke avtokólik bóline otyryp 7 mobildi top uiymdastyrylyp, 2020 jyly 1117 adam em aldy.
FO bazasy pandemiia kezeńinde 300 provizorlyq tósek-oryn jáne 250 infektsiialyq tósek-orynǵa keńeitildi. 2020 jyl 10 qyrqúiekke deiin koronavirýstan 1333 naýqas jáne 848 naýqas provizorlyq bólimsheden emdelip shyqty. Byltyr koronavirýs+týberkýlez diagnozy 5 adamǵa qoiyldy.
Biyl qosarlanǵan diagnoz 3 adamǵa qoiyldy», - dedi Janna Sápieva.
Biyldan bastap ortalyqtaǵy 200 oryn juqpaly aýrýlar bólimshesine qaita beiimdeldi. Osy ýaqyttan beri statsionarǵa 566 naýqas túsip, 445 patsient shyqty.
