Almatyda «Tselinnyi» kinoteatryn qaita qurý jumysy bastaldy, dep habarlaidy QazAqparat.
«Tselinnyi» zamanaýi mádeniet ortalyǵynyń direktory Djama Nurqalievanyń aitýynsha, ǵimarat buzylmaidy.
«Ǵimaratty eshkim buzbaidy. 2018 jyldan beri kóp aitylǵan «Tselinnyidy» qaita qurý jumysyn biyl bastadyq. Bul ýaqyt ishinde biz QazQSǴZI-men birge jobalyq jumystar, tehnikalyq zertteýler júrgizdik, jobamyzdy qoǵamdyq keńeske usyndyq, jobamyz taǵy pysyqtalyp, belgilengen zańnamalyq rásimderge sáikes qaita kelisýden ótti», – dedi ol.
Qazirgi ýaqytta ǵimarattyń 2000 jyldardyń basynda jasalǵan jáne qurylysty qatty búldirgen jóndeý elementteri bólshektelip jatyr.
«Ǵimarattyń burynǵy qalpyn saqtaý múmkin emes. Sebebi, ol adamdarǵa qaýipti. Qaita qurý barysynda ǵimarattyń jalpy formasy, tirek qurylymdary, irgetasy men Evgenii Sidorkinniń biregei pannosyn saqtaimyz. Kinoteatr aǵa býyn almatylyqtar úshin tanymal bolyp qala beredi, sonymen birge, bul rette zamanaýi jáne tehnologiialyq bolady», – dedi Djama Nurqalieva.
Kinoteatrdy qaita qurý jumysyna jergilikti jáne sheteldik kóptegen mamandar tartylǵan. Atalǵan jumys aiasynda qorshaǵan ortany da tolyǵymen abattandyrý kózdelip otyr.
Eske salsaq, «Tselinnyi» kinoteatry 1964 jyly salynyp, 2014 jylǵa deiin jumys istedi.
