Foto: PD baspasóz qyzmeti
Almaty qalasynyń Áýezov aýdanynda jol-kólik oqiǵasynan trolleibýs júrgizýshisi qaitys boldy, - dep habarlaidy "Ult aqparat".
Almaty Politsiia departamentiniń málimetinshe, búgin tańǵy saǵat 07.10-da Kia markaly kóligin tizgindegen 24 jastaǵy júrgizýshi Shaliapin kóshesi boiymen batys baǵytta kele jatyp, kósheniń júris bóliginde turǵan trolleibýs júrgizýshisi - K. esimdi azamatty qaǵyp ketken. Apat saldarynan ol oqiǵa ornynda kóz jumdy.
"Bul derek QR Qylmystyq kodeksiniń 345-baby 3-bóligi boiynsha sotqa deiingi tergep-tekserýdiń biryńǵai tizilimine tirkeldi. Saraptamalar taǵaiyndaldy. Oqiǵanyń mán-jaiy anyqtalyp jatyr", - deidi Almaty qalalyq PD Anyqtaý basqarmasynyń bastyǵy Oljas Sháripov.
