Almatyda «Depo Evolution Park» burynǵy tramvai deposynyń ornynda qurylys jumystary jandandy. Bul jerde kreativti jastarǵa arnalǵan qoǵamdyq park ashylady, – dep habarlady qalalyq ákimdik.
Tujyrymdamaǵa sáikes, bul nysanda art sheberlik klastary, zerthanalar, oqý zaldary, shoýrýmdar, kino dárishana zaldary, kórkemóner stýdiiasy, kitaphana, kovorking ashylady. Odan bólek qajetti infraqurylym ekstrim parki, óner parki, vorkaýt, sport alańdary ashylady.
Bul joba qalalyq keńeste tańdaldy.
Osyǵan uqsas oryndar Niý-Iork («Hai-Lain»), Parij, Máskeý qalalarynda bar.
«Bul jerde qonaq úi, turǵyn úi, meiramhanalar salynbaityn boldy», - dedi basqarmadan.
Belgili bolǵandai, buǵan deiin bul jerde nysan salý memlekettik jekeshelik áriptestik aiasynda investorlarmen kelisilgen. Keiin qoǵamdyq pikir eskerilip, biýdjet qarajatyna oǵan deiin josparlanǵan loft-ortalyq tańdalyp alyndy. Depo Evolution Park jobasynyń qurylysyn 2021 jyldyń sońynda aiaqtaý josparlanǵan. Joba quny - 2,5 mlrd teńge.
Esterińizge sala ketelik, 2015 jyly kúzde tramvai deposynyń jumysy toqtatylǵan bolatyn. Bul sheshim tramvailardyń qatysýymen bolǵan eki úlken jol apatynan keiin qabyldanǵan edi. Birinshi bolǵan apat saldarynan 5 adam zardap shegip, 17 avtokólik zaqymdalsa, ekinshisinde bir adam zardap shegip, taǵy da birneshe avtokólik zaqymdaldy. Odan keiin ákimdik tramvai deposynyń ornyna qoǵamdyq keńistik salý týraly baiqaý jariialandy.
Aita ketý kerek, byltyr aqpanda Depo Evolution Park jastar parkinde qurylys jumystary toqtaǵan bolatyn. Odan keiin depo ornynda qonaqúi salynady degen qaýeset taraǵan edi.
