© Sputnik / Stringer
Almaty politsiiasy úsh ailyq sábi zardap shekken jol apatynyń sebebin anyqtap jatyr, dep habarlaidy Sputnik Qazaqstan.
Tórt kólik jol apatyna túsken oqiǵa kúndiz saǵat bir shamasynda Baitursynuly kóshesiniń boiynda Áiteke bi men Gogol kóshesiniń ortasynda boldy.
© Sputnik / Stringer
Kýágerlerdiń aitýynsha, Baitursynov kóshesi boiymen soltústik baǵytta qozǵalǵan ondaǵan kólik Gogol kóshesiniń aldynda paida bolǵan kepteliske toqtaǵan. Osy kezde jolda kele jatqan Ford Focus kóligi kepteliste turǵan kólikterge soqtyǵysty.
Ol Mitsubishi Lancer kóligin soqqan. Al ol kólik óziniń janynda turǵan Mitsubishi Montero Sport jol talǵamaityn kóliginiń astyna kirip ketti. Al ol Volkswagen Polo avtokóligin soqty.
© Sputnik / Stringer
Apattan Mitsubishi Lancer kóligi ishinde bolǵan úsh ailyq sábi zardap shekti. Dárigerler qaraǵannan keiin bala túrli jaraqatpen aýrýhanaǵa tústi.
Qazir oqiǵa ornynda politsiia jumys istep jatyr. Endi olar aldynda bir top kólik turǵanyna qaramastan Ford Focus júrgizýshisiniń nege toqtamaǵanyn anyqtaidy.
