© Sputnik / سترينگەر
الماتى پوليتسيياسى ٷش ايلىق سەبي زارداپ شەككەن جول اپاتىنىڭ سەبەبٸن انىقتاپ جاتىر, دەپ حابارلايدى Sputnik قازاقستان.
تٶرت كٶلٸك جول اپاتىنا تٷسكەن وقيعا كٷندٸز ساعات بٸر شاماسىندا بايتۇرسىنۇلى كٶشەسٸنٸڭ بويىندا ەيتەكە بي مەن گوگول كٶشەسٸنٸڭ ورتاسىندا بولدى.
© Sputnik / سترينگەر
كۋەگەرلەردٸڭ ايتۋىنشا, بايتۇرسىنوۆ كٶشەسٸ بويىمەن سولتٷستٸك باعىتتا قوزعالعان ونداعان كٶلٸك گوگول كٶشەسٸنٸڭ الدىندا پايدا بولعان كەپتەلٸسكە توقتاعان. وسى كەزدە جولدا كەلە جاتقان Ford Focus كٶلٸگٸ كەپتەلٸستە تۇرعان كٶلٸكتەرگە سوقتىعىستى.
ول Mitsubishi Lancer كٶلٸگٸن سوققان. ال ول كٶلٸك ٶزٸنٸڭ جانىندا تۇرعان Mitsubishi Montero Sport جول تالعامايتىن كٶلٸگٸنٸڭ استىنا كٸرٸپ كەتتٸ. ال ول Volkswagen Polo اۆتوكٶلٸگٸن سوقتى.
© Sputnik / سترينگەر
اپاتتان Mitsubishi Lancer كٶلٸگٸ ٸشٸندە بولعان ٷش ايلىق سەبي زارداپ شەكتٸ. دەرٸگەرلەر قاراعاننان كەيٸن بالا تٷرلٸ جاراقاتپەن اۋرۋحاناعا تٷستٸ.
قازٸر وقيعا ورنىندا پوليتسييا جۇمىس ٸستەپ جاتىر. ەندٸ ولار الدىندا بٸر توپ كٶلٸك تۇرعانىنا قاراماستان Ford Focus جٷرگٸزۋشٸسٸنٸڭ نەگە توقتاماعانىن انىقتايدى.
