Qazaqstan Jazýshylar odaǵynda kóktemde týyp, jasyndai jarqyrap, qazaq ədebietine erekshe lep, tyń jańalyq alyp kelgen qazaqtyń klassik aqyndarynyń biri Tólegen Aibergenovtiń shyǵarmashylyǵyna arnalǵan ádebi-sazdy kesh ótti.
Kesh Jazýshylar odaǵynyń basqarma tóraǵasy, aqyn Ulyqbek Esdáýlettiń quttyqtaý sózimen bastaldy.
Basqarma tóraǵasynyń orynbasarlary Mereke Qulkenov pen Baqyt Bedelhan T.Júrgenov atyndaǵy óner akademiiasynyń ustazy Dariǵa Turanqulova, aqyn Qasymhan Begmanov, Ahmet Ómirzaq, Sharafaddin Ámir, qazaq tiliniń janashyry Oǵyz Doǵan, Shaihy Ermahan, t.b. "Baitaq meken" qoǵamdyq qorynyń mereitoǵa arnaiy shyǵarǵan "Tólegen Aibergenovke 80 jyl" estelik medalin tabystady.
Sondai-aq, osy medaldardy Jazýshylar odaǵynyń basqarma tóraǵasy, aqyn Ulyqbek Esdáýlet aqyn jolyn qýǵan bir top jas aqyndarǵa (Asylan Tilegen, Nurtas Turǵanbek, Nurbolat Joldasbek, Tursynbek Bashar, Bekzat Smadiiar, Merei Qartov, Miras Asan, Əsel Kəribai, Tilek Yrysbek, Edilbek Dúisen) tabystap, óleń saparyna sáttilik tiledi. Artynsha jastar jyrdan shashý shashyp, kórermender kóńilin bir serpiltip tastady.
T.Júrgenov atyndaǵy óner akademiiasynyń stýdentteri T.Aibergenov óleńderinen kompozitsiialyq qoiylym qoiyp, kesh kórkin qyzdyra tústi.
Qazaqstannyń eńbek sińirgen qairatkeri, Daryn Memlekettik jastar syilyǵynyń laýreaty, dástúrli ánshi Sáýle Janpeiisova aqyn óleńderiniń sózine jazylǵan óziniń avtorlyq ánderin oryndady.
Aita keteiik, osyǵan deiin aqynnyń 80 jyldyq mereitoiy aiasynda Temirtaý qalasynda, Ózbekstannyń Nókis qalasynda (eki joǵary oqý oryndarynda), Aqtóbe oblysynyń Baiǵanin aýdanynda, Aqtaý, Astana, Shymkent qalalarynda birneshe mereitoilyq keshter uiymdastyrylǵan bolatyn.
