Foto: Zakon.kz
Almatynyń Alataý aýdany Aqkent shaǵynaýdanynda ornalasqan toǵyz qabatty turǵyn úiden órt shyqty, dep habarlaidy "Ult aqparat".
Áleýmettik jelilerde kópqabatty úidiń joǵary jaǵyn qara tútin basqan video tarady.
Almaty TJD 14:30-da Aqkent shaǵynaýdanyndaǵy 9 qabatty turǵyn úiden órt shyqqany týraly habarlama kelip túskenin aitty. Oqiǵa ornyna TJD birneshe órt sóndirý bólimshesi shyqqan.
Órtsóndirýshiler jetinshi qabattaǵy 10 sharshy metr lodjiia janyp jatqanyn anyqtaǵan. Órt 8-9 qabattarǵa jetýi múmkin edi. Janyp jatqan úiden 7 adam qutqarylyp, 65 adam evakýatsiialanǵan. Al órt 15:02-de sóndirilgen.
Órttiń shyǵý sebebi anyqtalyp jatyr.
Sonymen qatar, Almaty qalalyq TJD órt qaýipsizdiginiń qarapaiym erejelerin saqtaýdy, iaǵni elektr quraldaryn qosýly kúide qaraýsyz qaldyrmaý, balkondardy janǵysh materialdarmen qaptamaý jáne temeki shekpeý týraly eskertti.
