Búgin, 4 qyrkúiekte Almatydaǵy Respýblikalyq Dostyq úiinde Qazaqstan halqy Assambleiasy QR Aqparat jáne qoǵamdyq damý ministrligimen birge «Til – Qazaqstan halqynyń rýhani bailyǵy» atty onlain konferentsiia ótkizdi, dep habarlaidy "Ult aqparat".
Qazaqstan halqy tilderi kúnine orai uiymdastyrylǵan konferentsiia jumysyna QHA Tóraǵasynyń orynbasary – Hatshylyq meńgerýshisi J.Q.Túimebaev, QR Aqparat jáne qoǵamdyq damý ministrligi Etnosaralyq qatynastardy damytý komitetiniń tóraǵasynyń orynbasary E.Úisinbaev, QHA músheleri, etnomádeni birlestikter men jastar uiymdarynyń basshylary qatysty.
Is-sharanyń maqsaty – tildik mádeniet pen jalpy adami rýhani qundylyqtar printsipterine negizdelgen qoǵamdyq kelisim men ultaralyq tatýlyqty, qazaqstandyq biregeilikti, toleranttylyq pen ózara túsinistikti nyǵaitý jáne damytý.
Jiyndy ashqan QHA Tóraǵasynyń orynbasary Janseiit Túimebaev óz sózinde aldymen Prezident Joldaýynyń mańyzdylyǵyna toqtaldy.
«Memleket basshysy Qasym-Jomart Kemeluly Toqaev «Jańa jaǵdaidaǵy Qazaqstan: Is-qimyl kezeńi» atty halyqqa Joldaýynda naqty basymdyqtardy belgiledi.
Bul el damýynyń baǵytyn aiqyndaityn airyqsha mańyzdy qujat. Joldaý halyqtyń ál-aýqatyna, árbir qazaqstandyqtyń áleýmettik kóńil-kúiine bailanysty barlyq negizgi salalardy qamtidy.
Joldaýda halyqty tolǵandyratyn suraqtarǵa jaýaptar berildi. Bizdiń mindetimiz – osy mańyzdy qujatty túsindirýge jáne iske asyrýǵa belsendi atsalysý.
Assambleianyń barlyq músheleri, etno, BAQ-tar redaktorlary Joldaýdyń mindetteri jóninde, sondai-aq olardy iske asyrý boiynsha halyqpen belsendi túsindirý jumystaryn júrgizýi tiis.
Ulttyń jańa qasietterin belgilei otyryp, Prezident Toqaev «HHI ǵasyrdyń urpaǵy tereń bilimdi bolýy tiis, jastardy tynymsyz eńbekke daǵdylandyrý qajet, kez kelgen istiń negizinde kásibilik jatyr», dep atap ótti. Sondai-aq, b ul mejege qoǵamdyq kommýnikatsiia arqyly – tilder arqyly qol jetkizýge bolady» dedi.
Sonymen qatar, Janseiit Túimebaev «Til – Qazaqstan halqynyń rýhani bailyǵy» onlain konferentsiiasy jyl saiyn 5 qyrkúiekte atap ótiletin Qazaqstan halqynyń Tilderi kúnine arnalǵanyn jetkizdi.
«5 qyrkúiek – qazaqtyń qoǵam qairatkeri, qazaq lingvistikasy men ádebiettanýynyń negizin qalaýshylardyń biri, ǵalym jáne ádebiettanýshy Ahmet Baitursynuly dúniege kelgen kún.
Qazaqstan halqynyń tilderi kúni – bul 100-den astam etnostardyń birtutas tatý otbasyn quraityn árbir qazaqstandyqtyń merekesi.
Tilder kúni barsha halyqty biriktiredi jáne bizdiń birtutas qazaqstandyq biregeiligimizdi kórsetedi. Onyń arqaýy memlekettik qazaq tili men kópultty memlekettiń mádenieti, ortaq qundylyqtar men qazaqstandyq patriotizm bolyp tabylady.
Bul mereke bizdiń azamattarymyzǵa memlekettik tilge jáne óz ana tilderin qurmetteýge, Bizdiń Otanymyz – Qazaqstan Respýblikasyna degen súiispenshiligin arttyrýǵa tárbieleidi. Ol elimizdiń túrli etnostarynyń tilderi men dástúrleri týraly bilimderin keńeitýge yqpal etedi.
Tuńǵysh Prezident – Elbasy Nursultan Nazarbaev árbir azamattyń úsh tildi bilýin til saiasatynyń mańyzdy baǵyty retinde aiqyndady.
Qazaq tili memlekettik til retinde, orys tili – ultaralyq qatynas tili jáne aǵylshyn tili «jahandyq ekonomikaǵa oidaǵydai kirigý» úshin qajet.
Qazaqstan Prezidenti Qasym-Jomart Toqaev «Bolashaqta ultaralyq qatynas tiline ainalatyn qazaq tilin» jedel damytý jónindegi strategiialyq mindetti atap ótti.
Al elimizdiń azamattary orys tilin joǵary deńgeide bilýi kerek. Bizdiń elimizde til saiasatynyń tiimdi normativtik-quqyqtyq negizderi qurylǵany belgili.
Etnostar arasynda memlekettik tildi úiretý Assambleia jumysyndaǵy basty baǵyt bolyp tabylady. QHA budan ári de bul máselege basa nazar aýdara bermek. Osy maqsatta Assambleia qazaq tilin erkin meńgergen túrli etnos ókilderiniń qatysýymen «Uly Dalanyń ultaralyq tili» forýmyn ótkizip turady», dedi Janseiit Qanseiituly.
Aqparat jáne qoǵamdyq damý ministrligi Etnosaralyq qatynastardy damytý komiteti tóraǵasynyń orynbasary E.K.Úisimbaev óz kezeginde «Til saiasaty – kópetnosty memleket pen ashyq azamattyq qoǵamnyń turaqty damýynyń mańyzdy faktory retinde Qazaqstandaǵy barlyq etnostardyń ózara syilastyǵy men zańdylyq qaǵidattaryna negizdelgenine» toqtaldy.
«QR Tuńǵysh Prezidenti – Elbasynyń kóregen saiasatynyń bastaýymen elimizdegi barsha ult ókilderiniń ana tiline eshqandai nusqan keltirilmei, memleket qoldaýymen órkendep damýda.
Til bailyǵy – árbir eldiń ulttyq maqtanyshy. Ol atadan balaǵa miras bolyp qalyp otyratyn baǵa jetpes mura. Demek, ár adam ana tilin qorǵaýǵa, ony saqtaýǵa úlken jaýapkershilikpen qaraýǵa mindetti dep sanaimyn», dedi ol.
Onlain konferentsiia barysynda qatysýshylar Qazaqstanda tilderdi damytýdyń ózekti máselelerin talqylap, Qazaqstan etnostarynyń tili men mádenieti damýynyń negizgi baǵyttary boiynsha pikir almasty.
