Almatyda tez janatyn suiyqtyq quiylǵan eki tsisterna relsten shyǵyp ketti, dep habarlaidy QazAqparat.
Almaty qalalyq Tótenshe jaǵdailar departamentiniń málimetinshe, apattan eshkim zardap shekken joq.
«14 qazan kúni keshki saǵat 17:53-te Órt sóndirý jáne avariialyq-qutqarý jumystarynyń qyzmeti - 2 birlik tehnika, jeke quramynyń 12 adamy Túrksib aýdany, Ahmetov kóshesi, 47 ǵimaratynyń janyndaǵy temirjol joldaryna shaqyrtýǵa jiberildi, belgili bolǵanyndai tsisternalar temir joldan shyǵyp ketken, alaida aýdarylǵan joq. Tez tutanatyn suiyqtyqtar janǵan joq»,- dep habarlady vedomstvodan.
Qazirgi tańda oqiǵanyń mán-jaiy anyqtalyp jatyr.
