10 qańtarda Almaty qalasynda Ulttyq qaýipsizdik komiteti ótkizgen arnaiy operatsiia nátijesinde terroristik aktiler jasaýǵa daiyndalǵan degen kúdikpen Orta Aziia elderiniń azamattarynan quralǵan top músheleri ustaldy, dep habarlaidy "Ult aqparat" QR UQK baspasóz qyzmetine silteme jasap.
«Kúdiktilerdiń ýaqytsha turyp jatqan mekenjailaryn tintý kezinde olardan óte qýatty jarylǵysh zattar ázirleýge arnalǵan kóp mólsherdegi komponentter, sondai-aq qarý-jaraq pen oq-dáriler tárkilendi», - delingen habarlamada.
Tergeý boljamyna sáikes, ustalǵan tulǵalar sheteldegi DAISh sodyrlarynyń tapsyrmasy men olardyń basshylylyǵymen áreket etken.
«Olar jarylǵysh zattar men atys qarýlaryn qoldaný arqyly Almaty qalasynda halyq kóp shoǵyrlanatyn oryndarda shabýyl jasaýǵa niet etken», - delingen habarlamada.
Komitettiń baspasóz qyzmetiniń málimetinshe, qazir tergeý amaldary jalǵasýda.
