Almatyda terroristik qaýiptiń "qyzyl" deńgeii saqtalady, - dep habarlaidy Tengrinews.kz. Bul týraly Almaty qalalyq terrorizmge qarsy kúres jónindegi jedel shtab ókili málimdedi.
Shtab málimetinshe, qalada terrorizmge qarsy operatsiia rejimi saqtalady.
"Terrorizmge qarsy is-sharalar boiynsha Politsiia departamenti, Ulttyq ulan jáne Qorǵanys ministrligi áskeri qyzmetshileri qalany táýlik boiy kúzetedi. Blokbeketter jumysyn jalǵastyryp jatyr", - dedi shtab ókili.
Sondai-aq, jedel shtab terroristik qaýiptiń "qyzyl" deńgeiinde quqyq qorǵaý organdaryna birqatar áreketke ruqsat etiletinin eske saldy. Onyń ishinde jeke tekseris jáne azamattardyń zattaryn, kólikterin qaraý, olardyń qozǵalysyn ýaqytsha shekteý qarastyrylady, sherýler men mitingiler ótkizýge tyiym salynady.
"Quqyq qorǵaý organdarynyń jumysyna túsinistikpen qarap, zań talaptaryn saqtaýdy suraimyz. Terrorizmge qarsy operatsiianyń aiaqtalý merzimi týraly qosymsha habarlaimyz", - dep tolyqtyrdy terrorizmmen kúres agenttik ókili.
Almatyda terrorizmge qarsy operatsiia rejimi tótenshe jaǵdai rejimi toqtatylǵan jaǵdaida da saqtalatyny aityldy.
