video kadry
Almatyda kópqabatty úidiń terezesinen oq atqan er adam ustaldy. Bul týraly Politsiia departamenti málim etti, dep habarlaidy Kazinform agenttigi.
«Almaty kriminaldyq politsiiasynyń qyzmetkerleri áleýmettik jelidegi dabyl boiynsha jedel áreket etý aiasynda Atyraý oblysynyń turǵyny, 2000 jyly týǵan H. esimdi azamatty anyqtady jáne ustady. Ol turǵyn úi keshenderiniń biriniń balkonynan, anyqtalmaǵan tapanshadan aspanǵa eki ret oq atqan. Odan úsh patrony bar «RETAY PT24» signaldyq tapanshasy tárkilendi», - dep habarlady departamentten.
Vedomstvo ókilderi Bostandyq aýdandyq politsiia basqarmasynyń qyzmetkerlerimen ustalǵan adamnyń áreketine quqyqtyq baǵa beriletinin atap ótti.
Aita keteiik, buǵan deiin áleýmettik jelide tapanshany oqtap, aspanǵa qarai oq atqan er adamnyń videosy taraǵan bolatyn.
