Foto: Polisia.kz
Almatyda qoǵamdyq oryndaǵy telefon urlyǵy videoǵa túsip qaldy, - dep habarlaidy "Ult aqparat" Polisia.kz saityna silteme jasap.
Jetisý aýdandyq politsiia basqarmasynyń málimetinshe, urlyq Raiymbek pen Súiinbai dańǵyldarynyń qiylysyna jaqyn jerde ornalasqan alleiada bolǵan.
"Oqiǵa tańǵy 04:30-da boldy. Jastar oryndyqta otyryp, belgisiz bireýdiń arttan kelip, IPhone telefonyn urlap ketkenin baiqamai qalǵan.
Qaskóidiń urlaý áreketi beinebaqylaý kamerasyna túsip, qylmysty ashýǵa kómek boldy. Bul – 33 jastaǵy S. esimdi er adam bolyp shyqty. Ol ustalyp, QR QK-niń 188-babynda kózdelgen qylmystyq quqyq buzýshylyqty jasaǵany úshin qylmystyq jaýapkershilikke tartyldy", – dedi Jetisý aýdandyq politsiia basqarmasynyń bastyǵy Jánibek Shynasylov.
Qylmystyq-protsestik kodekstiń 201-babyna sáikes, tergeý múddesin kózdeitin ózge de aqparattar jariialaýǵa jatpaidy.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáikes, zańdy kúshine engen sot úkimimen belgilengenge deiin árbir adam qylmystyq quqyq buzýshylyq jasaýda kinásiz dep tanylady.
video: Polisia.kz
