Megapolis ákimi Baqytjan Saǵyntaev Jazýshylar Odaǵynyń Almatyda turatyn 136 múshesiniń, sonyń ishinde Táýelsizdiktiń 30 qurdasynyń kitabynyń tusaýkeserine qatysty, dep habarlaidy "Ult aqparat" ákimdiktiń baspasóz qyzmetine silteme jasap.
Qalam sheberleri men jas jazýshylardyń eńbekterin basyp shyǵarý shyǵarmashyl ziialy qaýymdy qoldaý aiasynda qazaq ádebietiniń damýyna qosylǵan erekshe úles bolyp tabylady.
Qazaqstan Respýblikasy Táýelsizdiginiń 30 jyldyǵyn merekeleý aiasynda Almatyda turatyn 136 avtordyń, Jazýshylar odaǵy músheleriniń kitaptary basyp shyǵaryldy. Jazýshylardyń, sonyń ishinde Táýelsizdiktiń 30 qurdasynyń ádebi shyǵarmalary 102 myń danamen jaryq kórdi.
Qala ákimi Baqytjan Saǵyntaev qalamgerlerdi kezekti basylymmen quttyqtap, olardyń Táýelsizdiktiń qalyptasý tarihyn uǵynýdaǵy jáne óskeleń urpaqty tárbieleýdegi mańyzdy rólin atap ótti.
Aita keteiik, 2020 jyly qazaq ádebietinde erekshe oryn alatyn 30 avtordyń shyǵarmalary jaryq kórdi. 64 myń dana taralymmen jaryq kórgen bul eńbekterdiń ishinde Ánýar Álimjanov, Qabdesh Jumadilov, Qajytai Iliiasov, Jarken Bódesh syndy klassikterdiń kitaptary da bar.
Almaty ákimdiginiń qoldaýymen jaryq kórgen barlyq kitaptar qalalyq kitaphanalardyń qoryn tolyqtyrady.
Is-shara barysynda qazaq aqyn-klassikteriniń 24 kitap-albomynyń tusaýkeseri ótti.
