مەگاپوليس ەكٸمٸ باقىتجان ساعىنتاەۆ جازۋشىلار وداعىنىڭ الماتىدا تۇراتىن 136 مٷشەسٸنٸڭ, سونىڭ ٸشٸندە تەۋەلسٸزدٸكتٸڭ 30 قۇرداسىنىڭ كٸتابىنىڭ تۇساۋكەسەرٸنە قاتىستى, دەپ حابارلايدى "ۇلت اقپارات" ەكٸمدٸكتٸڭ باسپاسٶز قىزمەتٸنە سٸلتەمە جاساپ.
قالام شەبەرلەرٸ مەن جاس جازۋشىلاردىڭ ەڭبەكتەرٸن باسىپ شىعارۋ شىعارماشىل زييالى قاۋىمدى قولداۋ اياسىندا قازاق ەدەبيەتٸنٸڭ دامۋىنا قوسىلعان ەرەكشە ٷلەس بولىپ تابىلادى.
قازاقستان رەسپۋبليكاسى تەۋەلسٸزدٸگٸنٸڭ 30 جىلدىعىن مەرەكەلەۋ اياسىندا الماتىدا تۇراتىن 136 اۆتوردىڭ, جازۋشىلار وداعى مٷشەلەرٸنٸڭ كٸتاپتارى باسىپ شىعارىلدى. جازۋشىلاردىڭ, سونىڭ ٸشٸندە تەۋەلسٸزدٸكتٸڭ 30 قۇرداسىنىڭ ەدەبي شىعارمالارى 102 مىڭ دانامەن جارىق كٶردٸ.
قالا ەكٸمٸ باقىتجان ساعىنتاەۆ قالامگەرلەردٸ كەزەكتٸ باسىلىممەن قۇتتىقتاپ, ولاردىڭ تەۋەلسٸزدٸكتٸڭ قالىپتاسۋ تاريحىن ۇعىنۋداعى جەنە ٶسكەلەڭ ۇرپاقتى تەربيەلەۋدەگٸ ماڭىزدى رٶلٸن اتاپ ٶتتٸ.
ايتا كەتەيٸك, 2020 جىلى قازاق ەدەبيەتٸندە ەرەكشە ورىن الاتىن 30 اۆتوردىڭ شىعارمالارى جارىق كٶردٸ. 64 مىڭ دانا تارالىممەن جارىق كٶرگەن بۇل ەڭبەكتەردٸڭ ٸشٸندە ەنۋار ەلٸمجانوۆ, قابدەش جۇمادٸلوۆ, قاجىتاي ٸليياسوۆ, جاركەن بٶدەش سىندى كلاسسيكتەردٸڭ كٸتاپتارى دا بار.
الماتى ەكٸمدٸگٸنٸڭ قولداۋىمەن جارىق كٶرگەن بارلىق كٸتاپتار قالالىق كٸتاپحانالاردىڭ قورىن تولىقتىرادى.
ٸس-شارا بارىسىندا قازاق اقىن-كلاسسيكتەرٸنٸڭ 24 كٸتاپ-البومىنىڭ تۇساۋكەسەرٸ ٶتتٸ.
