Almatyda táýelsiz qoǵamdyq baiqaýshylar shtaby quryldy, dep habarlaidy "Ult aqparat".
Shtab jastardyń jáne balalar úileri túlekteriniń áleýmettik máselelerin sheshýmen ainalysatyn Qazaqstan Respýblikasynyń «Jastarǵa jol» qoǵamdyq qorynyń uiymdastyrýmen quryldy.
«Biyl bizdiń qordyń qurylǵanyna bes jyl toldy. Osy ýaqyt aralyǵynda bizdiń qor aitarlyqtai damydy. Búgin biz ádil jáne ashyq qoǵam qurýǵa tikelei qatysa alatyn dárejege jettik. Bir-eki ai buryn belgili qoǵam qairatkeri Aigúl Soloveva «Sailaýda beitarap jáne shynaiy baiqaý týraly» Hartiia qurý ideiasyn aitqan bolatyn. EQYU qaǵidattary men demokratiialyq sailaý standarttary týraly konventsiiaǵa negizdelgen qoldaýǵa shaqyrý týraly habarlama áleýmettik jelilerde jáne brifingterde ornalastyryldy. Bul bastamany kóptegen progressivti áleýmettik belsendiler qoldady», - dedi «Jastarǵa jol» QQ prezidenti Rafael Hasanov.
Shtabta qazirdiń ózinde aldaǵy sailaýdy baiqaýǵa belsendi qatysqysy keletin júzden astam adam bar. Qor shtabqa saiasi uiymdarmen bailanysy joq, biraq óz elderinde bolyp jatqan oqiǵalarǵa bei-jai qaramaityn, ádil jáne ashyq qoǵam qurýǵa tikelei qatysýǵa nietti eriktilerdi shaqyrady.
Qoǵam qairatkeri Andrei Andreevtiń aitýynsha, qazir jastar eldiń saiasi ómirine kóbirek atsalysady.
«Daýys berý qajet. Bizdiń mindetimiz - sailaýdyń zańǵa tolyq sáikes keletindigine kóz jetkizý. Biz úshin sailaýdyń ashyq bolýy mańyzdy. Eń bastysy - bári adal jáne ádiletti ótse bolǵany», - dep atap ótti spiker.
