Almaty qalasynyń Bostandyq aýdanynda taýdyń qunarly topyraq qabatyn urlaý faktisi anyqtaldy, dep habarlaidy "Ult aqparat".
«Tabiǵat» ekologiialyq odaq tóraǵasynyń orynbasary Timýr Eleýsizov óziniń Instagram paraqshasynda taýly aýmaqtaǵy qunarly topyraq qabatyn satý úshin qazyp tastaǵany týraly videojazba jariialaǵan edi.
Atalǵan fakti boiynsha tergeý bastaldy. Bul is Almaty mamandandyrylǵan ekologiialyq prokýratýrasynyń baqylaýynda.
«Almaty qalasynyń mamandandyrylǵan ekologiialyq prokýratýrasy ekologiialyq politsiia bólimine jáne Almaty qalasy boiynsha qala qurylysy basqarmasynyń jer qatynastary salasyndaǵy ýákiletti organǵa jaýaptylarǵa shara qoldaný jáne olardy jaýapkershilikke tartý týraly nusqaý berdi. Zańbuzýshylyq úshin 10-nan 50 AEK-ke deiin aiyppul salynady», - dep habarlady qalalyq prokýratýra.
Buǵan deiin Almatyda belgisiz bireýler jekemenshik alma baǵynyń aǵashtaryn kesip tastaǵan bolatyn. Politsiia turǵyndardyń shaǵymynan keiin tergeýdi bastady.
