kollaj: Tengrinews.kz
Almatyda taý bókterindegi aǵashtardy jappai kesý videoǵa túsip qaldy, - dep habarlaidy Tengrinews.kz saity.
Jergilikti turǵyn jumysshylar toby ondaǵan jemis aǵashyn qalai kesip jatqanyn videoǵa túsirip alǵan. Onyń aitýynsha, bul "Nurlytaý" shaǵynaýdanynda, Mergen kóshesinen joǵary bolǵan.
Almaty qalasynyń Ekologiia jáne qorshaǵan ortany qorǵaý departamenti "Nurlytaý" shaǵynaýdanyndaǵy aǵashtardyń kesilýine qatysty pikir bildirdi.
"Nurlytaý" shaǵynaýdany, 46 mekenjaiy boiynsha aǵash kesý deregi boiynsha mynany habarlaimyz. Osy mekenjai boiynsha aýmaqty tekserý barysynda Almaty qalasy Ekologiia jáne qorshaǵan ortany qorǵaý departamentiniń mamandary 63 dana jemis aǵashtaryn kesý deregin anyqtady. Aǵash kesý ruqsat qujattarynsyz júrgizilgen. Osyǵan bailanysty tiisti saraptama aktisi jasaldy", - dedi vedomstvo ókilderi.
Ákimdik shyǵyndy da eseptegen.
"Zańsyz áreketterden keltirilgen zalal 1 060 AEK mólsherinde anyqtaldy, bul 3 657 000 teńge bolady. Sonymen qatar, mundai jaǵdailarda kináliniń ótemdik otyrǵyzý jumystaryn júrgizý mindettemesi qarastyrylǵan. Bul rette ótemdik otyrǵyzý kólemi Almaty qalasynyń jasyl jelekterin kútip-ustaý jáne qorǵaý erejelerine sáikes biiktigi keminde 2,5 metr bolatyn 3150 aǵash", - dedi Almaty qalasy Ekologiia jáne qorshaǵan ortany qorǵaý departamenti ókilderi.
Derek boiynsha Almaty qalasynyń Politsiia departamenti men Mamandandyrylǵan tabiǵat qorǵaý prokýratýrasyna qoldanystaǵy zańnama aiasynda odan ári sharalar qabyldaý úshin hat joldanǵan.
