Almatynyń Medeý aýdanynda qýraǵan shóp órtenip jatyr. Órttiń videosy áleýmettik jelide tarady.
Almaty qalalyq Tótenshe jaǵdailar departamentiniń málimetinshe, órt sóndirý brigadasy qyzyl jalynnyń jaqyn mańda ornalasqan «Kompas» janarmai quiý stantsiiasyna taralý qaýpiniń aldyn aldy.
«26 tamyz kúni keshki saǵat 20:50 minýtta «101» pýltine kýágerlerden Medeý aýdanyndaǵy Tóle bi kóshesi men Shyǵys ainalma jolynda dalanyń qýraǵan shóbi órtenip jatqany týraly habarlar túse bastady. Oqiǵa ornyna TJD kúshteri men quraldary jumyldyryldy», - dep habarlady departamentten.
Órt sóndirý brigadasy kelgen kezde taýdyń baýraiynda 1000 sharshy metrden astam qýraǵan shóp pen aǵash órtengeni anyqtaldy, qurǵaq ósimdikterdiń biiktigi kei jerlerde 1,5 metrden asty.
«Órtti sóndirý betkeilerdegi biiktikterdiń kúrt ózgerýimen kúrdelene tústi, qabyldanǵan sharalardyń arqasynda ot 40 minýt ishinde oqshaýlanyp, 21:41-de joiyldy. Órtti sóndirýge tabiǵi órtterdi sóndirý boiynsha TJD jasaǵy, sondai-aq quramynda 30 adam, 6 birlik tehnika jumyldyryldy», - dep atap ótti Tótenshe jaǵdailar departamentinen.
«Órt qaýpiniń joǵary bolýyna bailanysty qala turǵyndary men qonaqtaryn ashyq otty paidalanýdan, ot jaǵýdan, temeki shegýden jáne qurǵaq shóp pen orylǵan shópti órteýden bas tartýdy suraimyz! Kináli adamdar ákimshilik, al aýyr zardaptar týyndaǵan jaǵdaida qylmystyq jaýapqa tartylady», - delingen habarlamada.
