Almatynyń Bostandyq aýdanynda qýraǵan shóp órtenip jatyr, dep habarlaidy "Ult aqparat".
Qalalyq tótenshe jaǵdailar departamentiniń málimetinshe, 12 tamyz kúni saǵat 15:22-de «101» pýltine Bostandyq aýdany, Nur Alataý shaǵyn aýdanynda qýraǵan shóptiń janǵany týraly habarlama tústi.
«Almaty qalasy TJD kúshteri men quraldary shaqyrtýdyń joǵary dárejedegi shaqyrtý boiynsha dereý jiberildi. Qutqarýshylar taýdyń bókterinde bir gektar alqapta qýraǵan shóp órtenip jatqanyn jáne jeke turǵyn úi sektoryna ottyń taralý qaýpi baryn anyqtady. Órtti sóndirýge jeke quramynan 50 adam jáne 13 tehnika jumyldyryldy»,- dep habarlady departamentten.
Saǵat 16:08 minýtta tilsiz jaý aýyzdyqtaldy.
