Almatyda tártipsizdikter kezinde keltirilgen zalal somasy 128 mlrd teńgeden asty, dep habarlaidy QazAqparat.
Almaty ákimdiginiń málimetinshe, 2022 jylǵy 14 qańtardaǵy jaǵdai boiynsha jalpy keltirilgen zalal somasy 128 mlrd teńgeden asady. Onyń ishinde biznestiń shyǵyndary 86 mlrd teńge, ákimshilik ǵimarattardyń shyǵyny 22,6 mlrd teńgege jetti.
Sonymen qatar, 223 birlik tehnika mólsherindegi jyljymaly múlik shyǵyndary 1,9 mlrd teńge somasynda baǵalanady (jeke avtomobilder boiynsha baǵalaý júrgiziledi), «Almaty Bike» veloprokattar stantsiiasynyń shyǵyndary 376,5 mln teńge. Materialdyq-tehnikalyq bazanyń shyǵyndary 16,7 mlrd teńge. Zardap shekken qyzmetkerlerge tólenetin ótemaqy tólemi 490 mln teńge boldy.
Úkimet komissiiasy shaǵyn jáne orta bizneske keltirilgen zalaldy óteý mehanizmin ázirleýde, ol búginde ortalyq memlekettik organdarmen kelisý kezeńinde tur jáne jaqyn arada jariialanatyn bolady.
Bizneske keltirilgen zalaldy óteý jónindegi aldyn ala jasalǵan mehanizmdermen jáne tásildermen myna silteme boiynsha tanysýǵa bolady.
