Foto: Almaty ákimdigi
Almatynyń Ortalyq stadionynda ótken ÝEFA Chempiondar ligasynyń matchy Qazaqstan fýtbol tarihynda aitýly oqiǵa boldy. «Qairat» klýby áigili «Real Madridke» qarsy alańǵa shyǵyp, oiyn 0:5 esebimen aiaqtaldy, dep habarlaidy Ult.kz.
Bul kezdesý tek sporttyq shara ǵana emes, Almaty úshin naǵyz fýtbol merekesine ainaldy. Oiyndy stadionnan 23 myńǵa jýyq jankúier tamashalasa, qalaǵa Qytai, Resei, Ispaniia, Japoniia, Ulybritaniia jáne Chehiiadan kelgen 5 myńnan asa sheteldik týrist jinaldy.
Qaýipsizdik úshin 2,5 myńnan astam politsei men 50-ge jýyq áskeri qyzmetker jumyldyrylyp, meditsinalyq qyzmet kórsetý joǵary deńgeide uiymdastyryldy. Jankúierlerdiń qolailylyǵy úshin metropolitenniń jumysy túngi 01:00-ge deiin uzartylyp, stadionnan qalaǵa 60 tegin avtobýs qatynady.
«Qairat» – «Real Madrid» oiyny Almatynyń álemdik deńgeidegi sporttyq sharalardy ótkizýge qabiletti ekenin jáne qonaqjailyǵyn taǵy bir dáleldedi.
