Foto: Týrar Kazangapov ©/tengrinews
Tsifrlyq damý ministrligi «pák qyzdardyń tizimine» qatysty málimdeme jasady. Tizimdi taratqandar jaýapqa tartylatyn boldy, - dep habarlaidy «Ult aqparat» Massaget.kz-ke silteme jasap.
Ministrlik Ál-Farabi atyndaǵy QazUÝ ýniversitetinde derbes derekterdi taratý boiynsha bolǵan jaǵdaiǵa qatysty túsinikteme alý úshin JOO-ǵa suraý saldy.
«JOO usynǵan jaýapqa sáikes, ýniversitetpen shart negizinde áreket etetin meditsinalyq uiymnyń qyzmetkeri 2024 jylǵy 6 aqpanda WhatsApp arqyly fliýorografiialyq zertteýden ótý úshin stýdentter tizimi bar Excel formatyndaǵy qujattardy jibergen, onda stýdentterdiń TAÁ-nen basqa, meditsina qyzmetkeriniń qupiiasyna jatatyn málimetter qamtylǵan», - dep jazdy vedomstvo.
Búgingi tańda ministrliktiń atyna jeke derekteri tizimde bolǵan azamattardan ótinishter túsken joq.
«Almaty qalasynyń politsiia departamenti Qazaqstan Respýblikasynyń derbes derekter jáne olardy qorǵaý týraly zańnamasynyń talaptaryn buzý boiynsha qylmystyq is qozǵady, onyń sheńberinde ministrlik qyzmetkerleri maman retinde tartyldy, onyń qorytyndysy boiynsha Ýniversitettiń is-áreketteri boiynsha saraptamalyq qorytyndy usynyldy. Qylmystyq istiń qorytyndysy boiynsha qylmystyq quqyq buzýshylyq faktileri bolmaǵan jaǵdaida ministrlik ákimshilik jaýapkershilikke tartý máselesin qaraityn bolady», - dedi TsDIAÓM baspasóz qyzmeti.
Eske salaiyq, 2024 jylǵy 16 aqpanda GitHub resýrsynda belgisiz qytailyq kompaniianyń derekteriniń tarap ketýin jariialady, onda qazaqstandyqtardyń derbes derekteri qamtyldy.
