Almatyda «Almaty bizdiki» dep aiǵailap tapanshadan oq atqan adam ustaldy, dep habarlaidy "Ult aqparat".
Belgisiz bireýlerdiń aspanǵa oq atyp, aiǵailaǵandaǵy videosy áleýmettik jelige tarady. Bul kópshiliktiń narazylyǵyn týdyrdy.
«Bostandyq aýdandyq politsiia basqarmasynyń qyzmetkerleri jedel túrde Rozybakiev kóshesiniń boiynda salynyp jatqan nysandardyń biriniń aýmaǵynda turǵan Qyzylorda oblysynyń turǵyny, 1996 jyly týǵan M. atty azamatty anyqtap, ustady.
«M. myrzanyń osy mekemede santehnik bolyp jumys isteitindigi belgili boldy. Onyń qolynda travmatikalyq tapansha bolǵan, ol kúdiktiniń turǵylyqty jerinen tabylyp, tárkilendi. Kúdiktiniń aitýynsha, bunyń sebebi - áleýmettik jelilerde tanymal bolýǵa degen umtylys. Bul fakt sotqa deiingi tergeýdiń biryńǵai tiziliminde QR QK-niń 287 baby boiynsha tirkeldi. Tergeý júrip jatyr», - dedi, Bostandyq aýdandyq politsiia basqarmasynyń bastyǵy, politsiia podpolkovnigi Dýman Aýhadiev.
Óz kezeginde, ustalǵan jigit kópshilikten keshirim surady.
«Men óz kinámdi moiyndaimyn, meniń is-áreketim zańǵa qaishy ekenin bilmedim, óz kinámdi moiyndai otyryp, men qazaqstandyqtardan keshirim suraǵym keledi. Meni keshirińder», – dedi ol.
