Almaty ákimi Baqytjan Saǵyntaev qaladaǵy qoǵamdyq keńistikterdi abattandyrý men týristik áleýetti damytý barysyn tekserdi, dep habarlaidy "Ult aqparat".
Baqytjan Saǵyntaev Instagram-daǵy paraqshasynda skverlerdi rekonstrýktsiialaý, qonaqúi salý jáne taý týrizmi úshin jaily jaǵdai jasaý týraly jazdy.
«Nedelka» sýburqaǵy jáne Abai atyndaǵy Qazaq ulttyq akademiialyq opera jáne balet teatry aldyndaǵy alańdy jańǵyrtý jumysy aiaqtalýǵa jaqyn. Mundaǵy basty mindet – tarihi sáýlet ansamblin saqtai otyryp, mańaidy qalpyna keltirý edi. Ol úshin shamdar, sýburqaq arkalary men «abajýr», ainalasyndaǵy plita qalpyna keltirildi. Barlyǵy sol kezde túsirilgen sýrettegidei. Kire-beristegi joiylǵan sýburqaq qalpyna keltirildi. Jańa kelbetke ie bolǵan keńistik qala turǵyndarynyń kóńilinen shyǵatynyna kúmánim joq. Sonaý 60-70 jyldardaǵy Almatynyń atmosferasyn eske túsiredi», - dep atap ótti ákim.
Negizi 2005 jyly qalanǵan Tuńǵysh Prezident qorynyń janyndaǵy skverdi qaita qurý jalǵasýda. 80 oryndyq, qoqys jáshigi jáne turǵyndardyń ótinishimen sanitarlyq-gigienalyq torap ornatylady. Balalarǵa arnalǵan oiyn jáne sport alańyn qurý josparda bar.
Syrtqy jaryq júiesin júrgizý úshin 4 shaqyrym kabel tóselip, 147 sham ornatylady. Avtomatty sýarý júiesi úshin 5 shaqyrym qubyr aýystyrylyp, sýarýǵa arnalǵan eki bóshke salynady.
«Jańa jaily oryn Á. Qasteev atyndaǵy Memlekettik óner murajaiynyń aldyndaǵy alań bolady, onda jasyl qordy jańartý, jol jamylǵysy, oryndyqtar, jaryqtandyrý jumystary da aiaqtalýda, biz sýburqaqty qalpyna keltiremiz», - dep jazdy Baqytjan Saǵyntaev.
Sondai-aq, Úlken Almaty ózeni - ál-Farabi dańǵylyndaǵy kópir keńistigi ózgertiledi, onda kóshede tamaqtanatyn oryn men dala kinoteatry uiymdastyrylady. Ózende jasandy sarqyrama men kórý alańy salyndy. Pandýstardyń arqasynda bul oryn múmkindigi shekteýli adamdar úshin qoljetimdi bolamaq.
Baqytjan Saǵyntaev №128 mekteptiń sporttyq infraqurylymyn modernizatsiialaý barysyn kórdi. Munda qazirgi zamanǵy ashyq sport alańdarynan ózge, jyl boiy qoljetimdi jabyq fýtbol alańy salynyp jatyr.
Almaty ákimi jańa Holiday Inn Express qonaq úii men demalýshylar men týristerge jaily jaǵdai jasalǵan Aiýsai vizit ortalyǵynyń infraqurylymyn tekserdi.
