Almatyda taksi júrgizýshisine shabýyl jasaǵan qaraqshylar ustaldy, – dep habarlaidy "Ult aqparat" Polisia.kz saityna silteme jasap.
Oqiǵa eki apta buryn Túrksib aýdanynda bolǵan.
– Úsh er adam biznes-klastaǵy taksige tapsyrys berip, júrgizýshiden olardy áýejaiǵa jetkizip tastaýyn suraǵan. Alaida jolda jolaýshylar taksi júrgizýshisine shabýyl jasap, oǵan kóptegen pyshaq jaraqatyn salǵan. Shabýyldyń nátijesinde qaskóiler Toyota Camry kóligin iemdengen. Atalǵan qylmysty ashý maqsatynda jedel-izdestirý toby qurylyp, onyń quramyna kriminaldyq politsiia jáne Túrksib aýdandyq PB-nyń qyzmetkerleri kirdi. Kúdiktiler dereý anyqtaldy. Olar jasyrynýǵa tyrysqan. Alaida beker – qazir kúdiktiler ustaldy jáne qamaýǵa alyndy. Qylmyskerler basqa bireýdiń kóligin kádege jarata almady. Sheteldik kólik iesine qaitaryldy, – dedi Almaty qalalyq Politsiia departamenti bastyǵynyń orynbasary Berik Ábilbekov.
Qazir ustalǵandardyń basqa da qylmystarǵa qatysy bar-joǵy tekserilýde. Olar – 1993, 1998 jáne 2000 jyly týǵan Almaty oblysy Talǵar aýdanynyń turǵyndary.
– Maǵan shabýyl jasaǵan adamdardyń ustalǵany týraly habarlaǵanda, shynymdy aitsam, men qatty qýandym. Politsiia qyzmetkerlerine kásibi qyzmeti úshin alǵys aitamyn, — dedi qaraqshylardyń qolynan japa shekken almatylyq.
