Foto: ashyq derekkóz
Almaty qalasynyń sottarynda sáýir aiynda taksi júrgizýshisi men eki jolaýshy arasynda oryn alǵan qaqtyǵysqa bailanysty eki is qaraldy, dep habarlaidy Ult.kz.
Is materialdaryna sáikes, jolaýshylardyń biri kóliktiń artqy oryndyǵynda otyryp, salonda temeki shekken. Júrgizýshiniń eskertýine ol balaǵat sózder aityp, agressivti túrde jaýap bergen jáne júrgizýshini urǵan. Sot bul jolaýshyny QR Qylmystyq kodeksiniń 109-babynyń 1-bóligi boiynsha kináli dep tanyp, 12 táýlikke qamaýǵa alýǵa úkim etti. Sonymen qatar, sot jábirlenýshige 100 000 teńge kóleminde moraldyq shyǵyndy óteý týraly sheshim qabyldady.
Ekinshi jolaýshy da júrgizýshimen janjalǵa túsip, balaǵat sózder aitqan. Ol QR Ákimshilik quqyq buzýshylyq týraly kodeksiniń 434-babynyń 1-bóligi boiynsha jaýapqa tartylyp, 15 táýlikke ákimshilik qamaýǵa alyndy.
Sot sheshimderi áli zańdy kúshine engen joq.
