Almatyda taksi júrgizýshisi politsiiaǵa qarý jasyrǵan er adamdy anyqtaýǵa kómektesti, dep habarlaidy QazAqparat.
M. Áýezov aýdandyq politsiia qyzmetkerleriniń málimetinshe, I. esimdi er adam jappai tártipsizdik pen basqa da zańsyz áreketterge belsendi qatysqan, sonymen qatar iri qarý dúkenin tonap, odan 10 patrony bar «BrowntnG» tegis uńǵyly myltyǵyn urlap ketken.
Kúdikti myltyqty besinshi yqsham aýdandaǵy aýlanyń biriniń qoqys jáshigine tyǵyp qoiǵan.
Birneshe kúnnen keiin kúdikti taksige otyryp, myltyq jasyrynǵan jerge kelgen. Kólik júrgizýshisi jolaýshynyń teledidar jáshigine qarý jasyryp júrgenin baiqap, politsiiaǵa habar berdi.
Tutqyndaý kezinde I.esimdi er adam áskeri kiimde bolǵan. Ony qaidan alǵanyn tergeý anyqtaityn bolady. Qazirgi ýaqytta atalǵan fakti boiynsha sotqa deiingi tergeý amaldary júrgizilýde. Ustalǵan adam ýaqytsha ustaý izoliatoryna qamaldy.
Almaty qalasynyń komendatýrasy qamqor turǵyndarǵa belsendi azamattyq ustanymy jáne qalada quqyqtyq tártipti ornatýǵa kómekteskeni úshin alǵysyn bildiredi.
