video kadry
Almatyda taǵy da jylý jolynyń qubyry jaryldy. Jelide kýágerler túsirgen video tarady, - dep habarlaidy Tengrinews.kz portaly.
Oqiǵa 16 qańtarǵa qaraǵan túni Almaly aýdany Sairan kóliniń mańynda ornalasqan "Jaily" turǵyn úi kesheniniń aýmaǵynda bolǵan. Oqiǵa saldarynan birneshe kópqabatty úi ýaqytsha jylýsyz qaldy.
Almaty qalalyq kommýnaldyq qyzmet ókiliniń aitýynsha, jarylǵan jylý qubyry turǵyn úi kesheniniń balanasynda.
"Tańǵy saǵat 3 pen 4-tiń arasynda ishki ýchaskede jylý qubyry jaryldy. Bizdiń mamandar apat ornyna baryp, ony qalpyna keltirýge kómektesti. Tańǵy saǵat 8-ge qarai úilerge jylý berildi. Zardap shekkender týraly aqparat túsken joq", - dedi Almaty qalasy Jylý energo kesheni jáne TKSh resmi ókili Ian Girin.
Onyń aitýynsha, qubyr 2003 jyly paidalanýǵa berilgen. Onyń diametri 150 santimetr.
