Almatyda jyl sońyna deiin 362 «Sergek» kamerasy ornatylady, dep habarlaidy "Ult aqparat".
Almaty qalalyq Politsiia departamentiniń basshysy Qanat Taimerdenovtiń málimetinshe, megapoliste 10 aidyń qortyndysy boiynsha jol-kólik apaty 27,8%–ǵa tómendegen. Atap aitsaq, jol kólik oqiǵasy saldarynan zardap shekkender 35,0%–ǵa, qaza tapqandar 48,6%–ǵa, jaraqat alǵandar 36,4%–ǵa azaidy.
«Biz qalalyk ákimdikpen birlese otyryp, jol kólik oqiǵalarynyń aldyn-alý maqsatynda Almaty qalasy aýmaǵynda jol júrý jáne jol qaýipsizdigi máseleleri boiynsha 2021-2023 jyldarǵa arnalǵan keshendi jospardy ázirlep, bekittik. Atalǵan jospardyń júzege asýy kólik aǵymynyń ótimdiligin 25-30% arttyrsa, jol kólik oqiǵalarynyń sanyn 15-20% azaityp, ekologiialyq jaǵdaidyń 10% jaqsarýyna septigin tigizedi»,- deidi departament basshysy.
Sonymen qatar, ol qalada 2050 beine kamera ornatylǵanyn aitty. Jyl sońyna deiin qosymsha taǵy da 362 kameralyq beket ornatý josparda.
