Almatyda óńirlik kommýnikatsiialar qyzmetinde qala ákiminiń orynbasary Saparbek Tuiaqbai karantin aiasynda qalany azyq-túlikpen qamtý máselesin túsindirdi, dep habarlaidy "Ult aqparat".
Onyń aitýynsha, qalada azyq-túlikten basqa taýar satatyn barlyq saýda oryndary jabylady.
Almatyda halyqty áleýmettik mańyzy bar taýarlarmen qamtý maqsatynda arnaiy shtab qurylǵan.
«Qoǵamdyq tamaqtaný oryndarynda shekteý bolady. Atap aitqanda, meiramhanalar men dámhanalar jabylady. Klient qabyldaýǵa tyiym salynady. Al tamaqty úige tapsyryspen aldyrý qyzmeti burynǵydai jumys jasaidy. Qazirgi karantin ýaqytynda bul - eń tiimdi shara dep oilaimyz. Biz óz kezegimizde azyq-túlikti jetkizý, logistika boiynsha meiramhanalarǵa kómek beremiz», - dedi Saparbek Tuiaqbaev.
Onyń aitýynsha, basqa da qoǵamdyq qyzmet oryndary - fitnes, jattyǵý zaldary, spa salondar, sulýlyq salondary karantin ýaqytynda jabyq bolady.
«Qala turǵyndarynyń barlyǵyn ýaqytsha oqshaýlanýǵa shaqyramyz», - dedi ol.
