Sýret: Zakon.kz
Almaty qalasy sport basqarmasynyń jáne onyń vedomstvolyq baǵynysty uiymynyń qyzmetkerleri biýdjet qarajatyn jymqyrdy dep kúdikke ilindi, dep habarlaidy "Ult aqparat" Antikorǵa silteme jasap.
Sybailas jemqorlyqqa qarsy is-qimyl agenttigi Telegram-daǵy resmi arnasynda Sport basqarmasy men Olimpiadalyq rezervti daiarlaý ortalyǵynyń burynǵy qyzmetkerlerine biýdjet qarajatyn asa iri mólsherde iemdený jáne ysyrap etý faktisi boiynsha sotqa deiingi tergeý júrip jatqanyn habarlady.
"Olar is júzinde eńbek qyzmetin iske asyrmaǵan adamdarǵa jalaqy esepteý jáne tóleý arqyly 56 mln teńgeden astam aqshany jymqyrdy degen kúdikke ilindi. Tergeý jalǵasýda", - delingen vedomstvo habarlamasynda.
Qylmystyq-protsestik kodekstiń 201-babyna sáikes ózge aqparat jariia etilmedi.
