Foto: prosports.kz
Almatyda sport basqarmasynyń burynǵy basshysy sottaldy, - dep habarlaidy Tengrinews.kz saity.
Medeý aýdandyq №2 soty Almaty qalasy sport basqarmasynyń eks-basshysy Rústem Baiseiitov pen onyń qaramaǵyndaǵylarǵa úkim shyǵardy. Olarǵa 367 million teńgeni jymqyrdy degen aiyp taǵyldy.
Sot úkimimen Rústem Baiseiitov kináli dep tanylyp, ómir boiy memlekettik qyzmette laýazymdy qyzmet atqarý quqyǵynan aiyrylyp, 4 jyl 6 aiǵa bas bostandyǵynan aiyrý jazasyna kesildi.
- Almaty qalasy Sport basqarmasynyń qarjy-ekonomikalyq bóliminiń burynǵy basshysy Áigerim Baiǵonova 3 jyl 6 aiǵa,
- "Qazaqstan Golf Federatsiiasy" RQB-nyń sport menedjeri Áliia Smaqova 3 jylǵa,
- Qazaq Sport JShS direktory Erjan Muhamanov 7,5 jylǵa bas bostandyǵynan aiyryldy.
Aita keteiik, osy jyldyń qańtarynda Antikor Almaty qalasy sport basqarmasynyń laýazymdy tulǵalaryna qatysty 367 million teńge jymqyrý deregi boiynsha sotaldy tergeýdiń aiaqtalǵanyn habarlaǵan.
Basty kúdiktilerdiń biri - Almaty qalalyq sport basqarmasynyń eks-basshysy Rústem Baiseiitov. Ol pandemiia kezeńinde (2020-2021 jj.) qaramaǵyndaǵy qyzmetkerlerimen koronavirýs infektsiiasyna bailanysty baqylaý men shekteýlerdiń baiaýlaǵanyn paidalanyp, JShS direktorynyń týystarynyń banktik shottaryna aqsha aýdarǵany anyqtaldy.
Alaida Sport basqarmasynyń burynǵy basshysy sotta óz kinásin tolyq moiyndamaitynyn aitty.
Úkim zańdy kúshine engen joq.
