فوتو: prosports.kz
الماتىدا سپورت باسقارماسىنىڭ بۇرىنعى باسشىسى سوتتالدى, - دەپ حابارلايدى Tengrinews.kz سايتى.
مەدەۋ اۋداندىق №2 سوتى الماتى قالاسى سپورت باسقارماسىنىڭ ەكس-باسشىسى رٷستەم بايسەيٸتوۆ پەن ونىڭ قاراماعىنداعىلارعا ٷكٸم شىعاردى. ولارعا 367 ميلليون تەڭگەنٸ جىمقىردى دەگەن ايىپ تاعىلدى.
سوت ٷكٸمٸمەن رٷستەم بايسەيٸتوۆ كٸنەلٸ دەپ تانىلىپ, ٶمٸر بويى مەملەكەتتٸك قىزمەتتە لاۋازىمدى قىزمەت اتقارۋ قۇقىعىنان ايىرىلىپ, 4 جىل 6 ايعا باس بوستاندىعىنان ايىرۋ جازاسىنا كەسٸلدٸ.
- الماتى قالاسى سپورت باسقارماسىنىڭ قارجى-ەكونوميكالىق بٶلٸمٸنٸڭ بۇرىنعى باسشىسى ەيگەرٸم بايعونوۆا 3 جىل 6 ايعا,
- "قازاقستان گولف فەدەراتسيياسى" رقب-نىڭ سپورت مەنەدجەرٸ ەلييا سماقوۆا 3 جىلعا,
- Qazaq Sport جشس ديرەكتورى ەرجان مۇحامانوۆ 7,5 جىلعا باس بوستاندىعىنان ايىرىلدى.
ايتا كەتەيٸك, وسى جىلدىڭ قاڭتارىندا انتيكور الماتى قالاسى سپورت باسقارماسىنىڭ لاۋازىمدى تۇلعالارىنا قاتىستى 367 ميلليون تەڭگە جىمقىرۋ دەرەگٸ بويىنشا سوتالدى تەرگەۋدٸڭ اياقتالعانىن حابارلاعان.
باستى كٷدٸكتٸلەردٸڭ بٸرٸ - الماتى قالالىق سپورت باسقارماسىنىڭ ەكس-باسشىسى رٷستەم بايسەيٸتوۆ. ول پاندەمييا كەزەڭٸندە (2020-2021 جج.) قاراماعىنداعى قىزمەتكەرلەرٸمەن كوروناۆيرۋس ينفەكتسيياسىنا بايلانىستى باقىلاۋ مەن شەكتەۋلەردٸڭ باياۋلاعانىن پايدالانىپ, جشس ديرەكتورىنىڭ تۋىستارىنىڭ بانكتٸك شوتتارىنا اقشا اۋدارعانى انىقتالدى.
الايدا سپورت باسقارماسىنىڭ بۇرىنعى باسشىسى سوتتا ٶز كٸنەسٸن تولىق مويىندامايتىنىن ايتتى.
ٷكٸم زاڭدى كٷشٸنە ەنگەن جوق.
