Almatyda soqqyǵa jyǵylǵan soń áleýmettik jelide video jariialaǵan sot oryndaýshy kólik qozǵalysy kezinde qaýipsizdik beldigin taqpaǵan bolyp shyqty. Azamattyń qandai jaza arqalaǵanyn Almaty politsiia departamenti bastyǵynyń orynbasary Rýstam Abdrahmanov óz Instagram paraqshasynda jazdy, dep habarlaidy KAZ.NUR.KZ.
"Búgin, 2021 jyldyń 5 qazanynda áleýmettik jelide A.Ermekov esimdi azamat videoúndeý joldady. Beinejazbada onyń qozǵalystaǵy kólik salonynda otyryp, jol qozǵalysynyń qatysýshysy bola tura QR JQE talaptaryn buzǵany baiqalady.
Osyǵan bailanysty quqyq buzýshy ÁQtK 615-babynyń 1-bóligi (jaiaý júrginshilerdiń jáne jol júrisine ózge de qatysýshylardyń jol júrisi qaǵidalarynyń talaptaryn oryndamaýy, iaǵni avtokólikte qaýipsizdik beldiginsiz bolýy) boiynsha ákimshilik jaýapkershilikke tartyldy. Jolda mundai áreketke jol berilmeitinin eske salamyn!",- dep jazdy Abdrahmanov.
