Almatynyń Almaly aýdandyq sotynda Qyrǵyzstan men Túrkiia arqyly Siriiaǵa ótip ketpek bolǵan «salafizm» radikaldy dini aǵymynyń ókiline qatysty qylmystyq is qaraldy, dep habarlaidy "Ult aqparat".
Ol «Djabhat an-nýsra» terrorlyq uiymynyń soǵys qimyldaryna qatysý úshin Siriiaǵa barmaq bolǵan.
Sot úkimimen M. esimdi aiyptalýshyǵa QR QK 24-babynyń 1-shi bóligi, 257-babynyń 2-shi bóligi boiynsha aiyp taǵylyp, 6 jylǵa bas bostandyǵynan aiyryldy. Sondai-aq onyń jeke múlki tárkilenedi jáne ol orta deńgeidegi qaýipsizdik júiesindegi qylmystyq-túzeý mekemesinde jazasyn óteidi.
Almaty qalalyq sotynyń Qylmystyq ister jónindegi apelliatsiialyq sot alqasynyń 2017 jylǵy 1 tamyzdaǵy qaýlysymen oǵan qatysty Almaly aýdandyq soty shyǵarǵan basty sot úkimi ózgerissiz qaldyryldy.
Sot úkimi zańdy kúshine endi.
