Foto ashyq derekkózden alyndy
Almatydaǵy Shymbulaq aýmaǵynda qar kóshkini júrdi, - dep habarlaidy Tengrinews.kz portaly qalalyq TJD qyzmetine silteme jasap.
Almaty TJD málimetinshe, saǵat 12: 33-te "Edelveis" qonaqúii aýdanyndaǵy Kishi Almaty ózeni basseininde qar kóshkini júrgeni týraly habarlama kelip tústi. Kólemi 700 tekshe metr kóshkin Shymbulaq-Tuiyq Sý jolynda toqtap, ony jaýyp tastady. Qaza bolǵandar, zardap shekkender men qiratý jaǵdailary bolǵan joq. Joldy tazalaýmen "Qazseldenqorǵaý" tehnikasy ainalysady.
"Almaty qalasynyń Tótenshe jaǵdailar departamenti men "Qazseldenqorǵaý" osy ýaqytta taýly aimaqqa barmaýdy, tik qarly betkeilerden saq bolýdy, taý shańǵysy kýrorttaryndaǵy qorshaýdan asyp ketpeýdi usynady", - delingen habarlamada.
