Almatyda sheteldikterge intim qyzmet kórsetetin karaoke-bar anyqtaldy, dep habarlaidy "Ult aqparat".
Quqyq qorǵaý organdarynyń málimetinshe, ǵimaratta sheteldikterge intim qyzmet kórsetilgen. Tekserý kezinde jeńil júristi 18 áiel kelýshilerdiń kóńilin aýlaǵan.Olardyń ekeýi – Ońtústik Koreiadan jáne taǵy bireýi – Ózbekstannan.
Karaoke-bardaǵy jezókesheler klientterge qupiia sóz arqyly intim qyzmet kórsetken.
Bar shái-kofe júiesi boiynsha jumys isteidi. Eger klient «shái» alǵysy kelse, demek, bar qyzmetkerleri aqshalai syiaqy úshin olardyń demalystary bitkenshe qasynda seriktes bolady. Al «kofe», - degen karaoke-bardan tys jerde aqshalai syiaqy úshin intim qyzmetterdi kórsetýdi bildiredi.
«Mekemeni eki ákimshi basqardy – 1989 jyly týǵan Ts.esimdi azamatsha men 1987 jyly týǵan S. atty áiel. Arnaiy is-sharanyń nátijesinde Politsiia departamentine eki ákimshi, intimdik qyzmet kórsetetin 18 áiel men úsh sheteldik azamat jetkizildi. Árqaisysynyń is-áreketine zańdy baǵa berilip, soǵan sáikes sharalar qoldanylady», – dedi Almaty qalalyq PD kriminaldyq politsiia basqarmasynyń bastyǵy Erkin Ińkárov.
