Foto ©️ Tengrinews.kz / Turar Qazanǵapov
Almaty Kommýnaldyq infraqurylymdy damytý basqarmasy basshysynyń orynbasary alaiaqtyq deregi boiynsha kúdikke ilindi, - dep habarlaidy Tengrinews.kz tilshisi Antikor málimetine silteme jasap.
Almaty boiynsha Sybailas jemqorlyqqa qarsy qyzmet "Almaty qalasynyń kommýnaldyq infraqurylymdy damytý basqarmasy" KMM basshysynyń orynbasaryna qatysty sotaldy tergeý júrgizip jatyr.
"Sheneýnik alaiaqtyq jasaý boiynsha kúdikke ilindi. Aldaý arqyly ol aýla aýmaqtaryn kútip ustaý, jinaý jáne QTQ shyǵarý boiynsha qyzmetter kórsetý sharttaryn jasasý syltaýymen 21 million teńge kóleminde jergilikti kásipkerdiń aqshalai qarajatyn iemdengen.
Kúdikti úi qamaǵyna alyndy", - delingen habarlamada.
Tergeý jalǵasyp jatyr. Qylmystyq-protsestik kodeksiniń 201-babyna sáikes ózge aqparat jariialanbaidy.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
