Almatyda serýenge shyqqan 26 adam qamaýǵa alyndy, dep habarlaidy "Ult aqparat".
Almaty qalalyq Politsiia departamentiniń málimetinshe, ótken táýlikte QR Ákimshilik quqyq buzýshylyq týraly kodeksiniń 476-baby 6-bóligine sáikes tótenshe jaǵdai rejimin buzǵany úshin, atap aitqanda kóshede negizsiz júrgen 59 adam ákimshilik jaýapkershilikke tartyldy. Onyń 26-sy qamaýǵa alyndy, 32 adamǵa aiyppul salyndy, bireýine eskertý jasaldy.
«Jalpy tótenshe jaǵdai rejimi engizilgeli beri 105 adam ákimshilik jaýapkershilikke tartyldy, onyń 46-sy qamaýǵa alynyp, 55 adamǵa aiyppul salyndy. Al keshe mamandandyrylǵan aýdanaralyq ákimshilik soty QR Ákimshilik quqyq buzýshylyq týraly kodekstiń 476-babyna sáikes 65 ákimshilik materialdy qarady» – dep habarlaidy Almaty qalalyq PD baspasóz qyzmetinen.
